पाँचथर । फिदिम(इलाम सडकखण्डमा ट्रेलरको ठक्करबाट एकजना पैदलयात्रीको मृत्यु भएको छ ।

ट्रेलरको ठक्करबाट पहिचान नखुलेको यात्रुको घटनास्थलमै मृत्यु भएको प्रहरीले जनाएको छ ।

फिदिमबाट राँकेतर्फ जाँदै गरेको प्रदेश २–०३–००१ ख. ४८०७ नं.को खाली ट्रेलरले फिदिम नगरपालिका-३ लालीखर्कमा ठक्कर दिँदा दुर्घटना भएको हो ।

शव पाँचथर अस्पतालको शव गृहमा राखिएको छ भने ट्रेलरका चालक र सहचालक फरार रहेकाले खोजी भइरहेको प्रहरीले जनाएको छ ।