काठमाडौं । प्रधानमन्त्री पुष्पकमल दाहाल ‘प्रचण्ड’ले तीन दिनसम्म संसद किन अवरुद्ध गरियो भन्नेबारे आफूले बुझ्न नसकेको बताएका छन् ।

सोमबार प्रतिनिधिसभा बैठकलाई सम्बोधन गर्दै प्रधानमन्त्री प्रचण्डले आफूलाई संसदमा कुरा राख्ने नदिएर संसद किन अवरुद्ध गरियो भन्नेबारे बुझ्न नसकेको बताएका हुन् ।

प्रधानमन्त्रीले भने,’तीन दिनसम्म किन संसद् अवरोध गरियो, मैले बुझ्न सकेको छैन।’

उनले प्रतिपक्षीले राजीनामा माग्दैमा राजीनामा दिनुपर्ने हो र भन्दै प्रश्न गरे । एमालेले प्रधानमन्त्रीको राजीनामा माग गर्दै संसद् अवरोध गरेको थियो ।

संसद अवरुद्ध गरेर स्पष्टीकरण दिने मौकासमेत आफूलाई नदिइएको भन्दै प्रधानमन्त्री प्रचण्डले गुनासो गरे । उनले आफू भावनात्मक मान्छे भएको भन्दै प्रितम सिंहको किताव विमोचन कार्यक्रममा आफूले देशलाई हानि हुने गरी कुनै कुरा नगरेको बताए ।