काठमाडौं । सिंहदरबारमा प्रधानमन्त्री पुष्पकमल दाहाल ‘प्रचण्ड’, नेपाली कांग्रेसका सभापति शेरबहादुर देउवा र एमाले अध्यक्ष तथा प्रमुख प्रतिपक्षी दलका नेता केपी शर्मा ओलीबीचको बैठक सकिएको छ ।

संसद्को अवरोध खोल्नेबारे प्रधानमन्त्रीको कार्यालयमामा तीन जनाबीच छलफल सकिएको हो । संघीय संसद्को अवरोध हटाउन एमाले तयार देखिएको छ। प्रमुख दलका शीर्ष नेताहरूबीच आइतबार पनि छलफल भएको थियो।

सिंहदरबारमा प्रधानमन्त्री प्रचण्डले स्पष्टीकरण दिने र एमाले अवरोध हटाउन तयार हुने सहमति भए पनि संसद् भवन पुगेपछि बिथोलिएको थियो। छलफल सकेर कांग्रेस सभापति देउवा र एमाले अध्यक्ष ओली सँगै बाहिरिएका थिए ।

प्रतिनिधिसभाको आजको ३ बजे डाकिएको बैठकमा प्रधानमन्त्रीले सम्बोधन गर्ने जनाइएको छ ।