काठमाडौं । आईसीसी विश्वकप छनाेटकाे फाइनलमा श्रीलङ्काले नेदरल्यान्ड्सलाई २३४ रनकाे लक्ष्य दिएकाे छ ।

जिम्बावेकाे हरारे स्पाेर्ट्स क्लबमा टस हारेर ब्याटिङ गरेकाे श्रीलङ्का ४७ ओभर ५ बलमा २३३ रनमा अलआउट भयाे ।

श्रीलंकाका लागि सहन अर्चीले ५७ रन बनाए । यस्तै कुशल मेन्डीस ४३, हरिता असलंका ३६, वानिन्दु हसरंगा २९, पथुम निसानका २३ र सदीरा समरविक्रमाले १९ रन बनाए ।

नेदरल्याण्डसका लागि ४ जना बलरले २–२ विकेट लिए । लोगान भ्यान बेक, रायन क्लेन, विक्रमजीत सिंह र साकिब जुल्फिकारले विकेट लिएक हुन् । आयन दत्तले एक विकेट लिए ।

१० टोली सहभागी यो प्रतियोगिताको शीर्ष दुईमा रहेका श्रीलङ्का र नेदरल्यान्ड्स आउँदो अक्टोब-रनोभेम्बरमा भारतमा हुने विश्वकपमा पुगेका छन् । प्रतियोगिताको उद्घाटन खेलमा अक्टोबर ५ तारिखमा इङ्ल्यान्ड र न्युजिल्यान्ड अहमदाबादमा खेल्नेछन् ।