काठमाडौं । रक स्टार गायक रविन तामाङको स्वर रहेको अन्तिम गीत ‘धुवाँ’ सार्वजनिक गरिएको छ ।

निर्देशक तथा सम्पादक निरञ्जन पाण्डेले फिल्मका लागि तयार पारेको गीतलाई तामाङको असामयिक निधनपछि उनलाई नै अन्तिम श्रद्धाञ्जली दिँदै यो गीत सार्वजनिक गरिएको हो ।

जिन्दगीलाई धुवामा नउडाउन सन्देश दिईएको यो गीतमा रविनलाई गायक राजेश पायल राइले पनि साथ दिएका छन् । सुरेश राईको शब्द तथा सङ्गीत रहेको गीतमा राजेश र रोविनलाई नै फिचर गरिएको छ ।

तामाङ मंगलबार बेलुका बुढानीलकण्ठ चिसेनीस्थित निवासमा मृत भेटिएका थिए । नेपाली रक ब्याण्ड ‘रविन एन्ड दि रेभोलुसन’का संस्थापक रविन पछिल्लो समय फिल्म अभिनयमा व्यस्त थिए ।