काठमाडौं । चन्द्रागिरि नगरपालिकामा विद्यार्थीमाथि कुटपिट गरेको आरोपमा प्रहरीले शिक्षकलाई पक्राउ गरेको छ ।

बिहीबार चन्द्रागिरि नगरपालिका-१ दहचोकको श्री कृष्ण माध्यमिक विद्यालयका शिक्षक एकराज पण्डितलाई प्रहरीले पक्राउ गरेको हो ।

जिल्ला प्रहरी परिसरका एसपीका सीताराम रिजालका अनुसार कुटपिट गरेको आरोपमा पण्डितलाई महानगरीय प्रहरी प्रभाग बलम्बुले नियन्त्रणमा लिएको छ । पण्डितले कक्षा ८ मा पढ्ने छात्रा अस्मिता परियारमाथि कुटपिट गरेको आरोप छ।

विद्यालयका प्रध्यानाध्यापक बलराम कार्कीका अनुसार शिक्षक पण्डितले दिउँसो ३ बजे कक्षामा छात्राको कानमा हिर्काएका थिए । बेहोस भएकी अस्मिताको ओम समाज अस्पतालमा उपचार जारी छ । घटनाबारे अनुसन्धान प्रहरीले अनुसन्धान थालेको छ ।