काठमाडौं। रोजगारीका लागि दुवई पठाइदिन्छु भनी रकम ठगी गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा सप्तरीको कन्चनरुप नगरपालिका-४ ठेलीया घर भई हाल भक्तपुरको लोकन्थली बस्ने बिरु पौडेल रहेका छन् ।

पौडेलले वैदेशिक रोजगारीको लागि दुवई पठाई दिने भन्दै विजय चौलागाईलाई ठगी गरेको प्रहरी अनुसन्धाबाट खुलेको छ ।

पौडेलले दुवई पुगेपछि प्रतिष्ठित कम्पनीमा काम लगाई दिने प्रलोभन देखाएर ठगी गरेको काठमाडौं उपत्यका अपराध अनुसन्धान कार्यालयले जनाएको छ ।

पौडेल ठगी गरेर फरार भएपछि वैदेशिक रोजगार विभागले उपत्यका अपराध अनुसन्धान कार्यालयलाई पक्राउ गरी उपस्थित गराइदिन भन्दै पत्र लेखेको थियो ।

पत्र पाए लगत्तै उपत्यका अपराध अनुसन्धान कार्यालयबाट खटिएको प्रहरी टोलीले पौडेललाई आज लोकन्थलीबाट पक्राउ गरेको हो ।