काठमाडौं । अख्तियार दुरुपयोग अनुसन्धान आयोगको टोलीले सेवाग्राहीसँग घुस लिंदा लिंदै एक इन्जिनियरलाई पक्राउ गरेको छ ।

रुपेन्देही कोटहीमाई गाउँपालिकाका इन्जिनियर अरविन्दकुमार यादव ४५ हजार घुस रकमसहित पक्राउ परेका हुन् ।

कोटहीमाई गाउँपालिका वडा नं. ७ मा पर्ने सडकको ग्राभेल र पीसीसी गर्ने कार्यको नापजाँचपछि भुक्तानी गर्ने प्रयोजनको लागि इन्जिनियर यादवले सेवाग्राही घुस मागेको अख्तियारले जनाएको छ ।

आयोगको बुटवल कार्यालयबाट खटिएको टोलीले इन्जिनियर यादवलाई ४५ हजार घुस रकमसहित रंगेहात पक्राउ गरेको हो ।