काठमाडौं । आईसीसी एकदिवसीय विश्वकप छनोटअन्तर्गत सातौँ स्थानको प्लेअफमा नेपालले आयरल्याण्डलाई २६९ रनको लक्ष्य दिएको छ ।

जिम्बावेको ताकाशिंगा स्पोर्ट्स क्लब हरारेमा टस हारेर ब्याटिङ थालेको नेपालले निर्धारित ५० ओभरमा ९ विकेट गुमाएर २६८ रन जोडेको हो ।

नेपालका लागि गुल्सन झाले ५७, अर्जुन साउदले ४८, कुशल मल्लले ४४, सन्दीप लामिछानेले ३२, कप्तान रोहित पौडेलले २९ तथा भीम सार्कीले २० रनको योगदान गरे ।

कुशल भुर्तेल ८ र ज्ञानेन्द्र मल्ल ७ रन जोडेर आउट हुँदा दीपेन्द्रसिंह ऐरीले रनको खाता नै खोल्न सकेनन् । किशोर महतोले १ रन जोडे ।

शीर्ष ६ भित्र पर्न नसकेका टीमहरूको प्लेअफअन्तर्गत पहिलो खेल जितेर नेपाल र आयरल्यान्डले प्रतिस्पर्धा गरेका हुन् ।

आयरल्यान्डले अमेरिका र नेपालले यूएईलाई पराजित गरे ।