रौतहट । रौतहटको मौलापुर नगरपालिका ४ बौधा पतौरामा आमा-छोरीको हत्या भएको अवस्थामा आज बिहान शव फेला परेको छ ।

स्थानीय २४ वर्षीया कविता देवी साह र उनकी अन्दाजी २ वर्षीया छोरी रोही कुमारी साहको हत्या भएको हो ।

घरबाहिर कविता र घरभित्र पंखामा झुण्डिएको अवस्थामा उनकी २० महिने छोरी मृत भेटिएको रौतहट प्रहरीले जनाएको छ ।

कविताको घाँटीमा पनि सल बाँधिएको अवस्थामा शव फेला परेको प्रहरीले जनाएको छ।

कविताको घरभित्र भेटिएको बाकसमा आगो लागेको र कपडाहरू जलेको अवस्थामा भेटिएको छ। अहिले शव पोस्टमर्टमका लागि अस्पताल लगिएको छ।