काठमाडौं । काठमाडौं प्रहरी परिसरका प्रमुख एसएसपी दानबहादुर कार्कीले देशको राजधानीमा विभिन्न प्रकारका ठगी र आर्थिक अपराध बढेका बताएका छन् ।

शुक्रबार परिसरमा आयोजित पत्रकार सम्मलेनमा एसएसपी कार्कीले काठमाडौं जस्तो देशको राजधानीमा ठगी र चेक बाउन्सको अपराध बढेको बताएका हुन् ।

उनले काठमाडौं जस्तो शिक्षितहरू बस्ने ठाउँमा पनि चेक बाउन्स र ठगीका केशहरू बढेका बताए । पछिल्लो समयमा त्यसलाई मध्यनजर गरेर अनुसन्धान अगाडि बढाएको उनको भनाई छ ।

विभिन्न बहानामा विनापैसाको चेक दिएर ठगी भइरहेको एसएसपी कार्कीले जनाए । उनले पढेलेखेका र व्यवसाय गरेका नागरिकलाई अनपढ र व्यवसाय नगर्ने व्यक्तिहरूले ठगी रहेको बताए ।