चितवन। नेकपा एमालेका अध्यक्ष केपी शर्मा ओली र राष्ट्रिय स्वतन्त्र पार्टी (रास्वपा)का सभापति रवि लामिछानेबीच जम्काभेट भएको छ ।

चितवनको भरतपुर विमानस्थलमा ओर्लने क्रममा ओली र रविबीच जम्काभेट भएको हो । रास्वपाका सभापति रविले अध्यक्ष ओलीसंग केरा र माछा आयातमा रोक लगाउनु पर्ने बताए ।

आन्तरिक उत्पादनको बजार उपभोग सुनिश्चित गर्नका लागि यी दुई वस्तु आयातमा रोक लगाउनु पर्ने भन्दै उनले अध्यक्ष ओलीसँग आग्रह गरेका हुन् ।

लामिछानेले ओलीलाई भने, ‘स्वदेशी कृषकको उत्पादन रक्षाका लागि माछा र केरामा आयात प्रतिबन्ध लगाउन आवश्यक भइसकेको छ।’

जवाफमा ओलीले हुन्छ भन्ने जवाफ फर्काए । सँगै रहेकी ओली पत्नी राधिकाले रविको कुरामा सही थाप्दै अण्डा आयातमा पनि रोक लगाउनु पर्ने प्रस्ताव गरिन ।