दार्चुला । दार्चुलाको मालिकार्जुन गाउँपालिका–३ का वडा अध्यक्ष मदनसिंह धामी पुर्पक्षका लागि जेल चलान भएका छन् ।

बलात्कारको आरोपमा उनलाई दार्चुला जिल्ला अदालतको आदेश अनुसार पुर्पक्षका लागि थुनामा पठाइएको हो ।

गाउँकै एक महिलालाई जबरजस्ती करणी गरेको घटना सार्वजनिक भएपछि वडा अध्यक्ष धामी माघ महिनादेखि फरार थिए ।

उनलाई गत जेठ २४ गते जिल्ला सदरमुकाम खलंगाबाट प्रहरीले पक्राउ गरेको थियो ।