काठमाडौं। त्रिभुवन अन्तर्राष्ट्रिय विमानस्थलबाट भैरहवा उड्न लागेको बुद्ध एयरको जहाजमा समस्या देखिएपछि रनवेमा नपुग्दै फर्काइएको छ।

विमानस्थल स्रोतका अनुसार काठमाडौंबाट साढे ४ बजे उड्नुपर्ने  बुद्धको ८५९ जहाजमा समस्या देखिएपछि रनवेबाटै फर्काइएको हो ।

यात्रुलाई अर्कै जहाजमा पठाउने तयारी भइरहेको छ ।

जहाजको स्मोक (धुँवा) डिटेक्टरमा समस्या देखिएपछि फर्काइएको बताईएको छ । जहाजको प्राविधिक चेकजाँच हुन भने बाँकी छ।