काठमाडौं । धितोपत्र दोस्रो बजार मापक नेप्से परिसूचक सोमबार पनि बढेर बन्द भएको छ । आज नेप्से परिसूचक ११.६९ अंकले बढेर २१२९.४२ बिन्दुमा आइपुग्यो। आइतबार बजारमा ६२ अंकको वृद्धि देखिएको थियो।

आज जलविद्युत्, बीमा, अन्य र व्यापार समूहको शेयर घटेको छ भने अरू सबै समूहको शेयर सामान्य बढेको छ । आइतबारको तुलनामा सोमबार कारोबार रकम भने गिरावट आएको छ ।

यसदिन बजारमा १ करोड १९ लाख ३ हजार ६८७ कित्ता सेयरको खरिद बिक्री भइ ५ अर्ब ३१ करोड २४ लाख २२ हजार ८७ रुपैयाँको कारोबार भएको छ ।

सोमबार शिवम् सिमेन्टको सबैभन्दा बढी कारोबार भएको छ । एकैदिन ४२ करोड ५ लाख रुपैयाँ बराबरको शेयर कारोबार भएको छ । जसको शेयर मूल्य प्रतिकित्ता ६२२ रुपैयाँ छ ।