काठमाडौं । ‘याद म्युजिक फेस्टिवल’का लागि रोमानिया पुगेका कलाकार प्रकाश सपुतमाथि आक्रमण भएको छ ।

आइतबार एक सांस्कृतिक कार्यक्रममा स्टेजमा प्रस्तुती दिइरहेका सपुतमाथि बोतल प्रहार भएको हो ।

स्टेजमा प्रस्तुती दिइरहेका सपुतमाथि दर्शकको भीडमा रहेका एक व्यक्तिले पानी या क्यान वियरको बोतलले हानेका थिए ।

उक्त बोतल अनुहारको देब्रे भागको गालामा लागेपछि प्रकाशले गीत गाउन रोकेका थिए। सपुतलाई बोतल हानेको भिडियो सामाजिक सञ्जालमा भाइरल भएको छ ।

प्रकाशको अवस्था भने सामान्य रहेको बताइएको छ । गायक सपुत केही दिनअघि सांगीतिक कार्यक्रमका लागि रोमानिया गएका थिए ।