काठमाडौं। नेकपा एमालेका सांसद रघुजी पन्तले सरकार बनाउन आफुहरुलाई हतार नभएको बताएका छन् ।

एमाले सांसद पन्तले एमाले सरकार बनाउन नहतारिने तर मौका आए नछोड्ने बताएका हुन् ।

उनले सरकारको अहिलेको काम कारबाहीसँग जनता सन्तुष्ट नभएकाले नेकपा एमाले र नेपाली कांग्रेसको प्रभावकारी सरकार बनोस् भन्ने जनताको चाहना रहेको बताए ।

उनले नीति कार्यक्रम र बजेट फेल भए सरकार फेल हुने अहिलेसम्मको मान्यता रहेको बताए ।

उनले अहिलेको सरकार एमालेले ढाल्नु नपर्ने बरु आफैँ असन्तुष्टि पोख्दै सरकार ढल्ने बताए । सांसद पन्तले बजेट परिवर्तन हुने सम्भावना नरहेको बताए ।