रुपन्देही । सशस्त्र प्रहरीले रुपन्देहीबाट सुन जस्तो २ किलो धातु सहित एक जना पक्राउ गरेको छ ।

सशस्त्र प्रहरी बल नेपाल बीओपी बयरघाट रुपन्देहीले लुम्बिनी सांस्कृतिक नगरपालिका -१३ कालिदहबाट कार र चालक सहित सुन जस्तो २ किलो धातु बरामद गरेको हो।

पक्राउ पर्नेमा दाङको घोराही नगरपालिका-१० का हुमानन्द गिरी रहेका छन् ।

नेपालबाट भारततर्फ जाँदै गरेको बा १२ च ३८२० नं को मारुती सुजुकी कारलाई बिशेष सुचनाको आधारमा नियन्त्रणमा लिई जाँच गर्दा गियर बक्समा फल्स बटम बनाएर लुकाइ छिपाइ लैजादै गरेको अवस्थामा इँट्टा आकारको २ थान सुन जस्तो थातु फेला परेको सशस्त्र प्रहरीले जनाएको छ ।

पक्राउ परेका गिरी र गाडीलाई भैरहवा भन्सार कार्यालयमा बुझाइएको सशस्त्र प्रहरीले जनाएको छ ।