काठमाडौं । आईसीसी एकदिवसीय विश्वकप छनोटमा आज नेपालले आफ्नो निर्णायक खेल नेदरल्यान्ड्ससँग खेल्दैछ ।

खेल टाकासिंगा स्पोर्टस् क्लबमा नेपाली समय अनुसार दिउँसो पौने १ बाट सुरु हुँदैछ । तीन खेल खेलेको नेपाललाई शीर्ष तीनमा रहन जित्नै पर्ने दबाब छ।

आईसीसी एकदिवसीय विश्वकप छनोटमा नेपाल र नेदरल्यान्ड्सबीचमा पहिलो पटक खेल हुन लागेको हो । यसघि बिहीबार भएको खेलमा नेपाल पूर्व विश्व विजेता वेस्टइण्डिजसँग १०१ रनको फराकिलो अन्तरले पराजित भयो ।

नेपाल घरेलु टोली जिम्माब्वेसँग ८ विकेटले पराजित हुँदा अमेरिकालाई ६ विकेटले हराएको थियो। छनोटको समुह ए मा नेपाल ३ खेलमध्ये १ जित र २ हार सहित २ अंकका साथ चौंथो स्थानमा छ ।