काठमाडौं । नेकपा (एकीकृत समाजवादी) को संसदीय दलको बैठक सुरु भएको छ । पार्टी संसदीय दलको कार्यालय सिंहदबारमा बैठक बसेको हो ।

बैठकमा भर्खरै घोषणा भएको समाजवादी मोर्चा र समसामयिक राजनीतिक घटनाक्रमको बारेमा छलफल हुने बताईएको छ ।

एकीकृत समाजवादीका सांसदहरूले बजेट विनियोजनको विषयमा असन्तुष्टि जनाउँदै आएका छन् ।

उनीहरूले पार्टी अध्यक्ष माधव कुमार नेपालसँगको छलफलमा सांसदहरूले बजेटको असन्तुलन नसच्याएसम्म मतदान नगर्ने चेतावनी दिएका छन् ।