काठमाडौं । ऊर्जा, जलस्रोत तथा सिँचाइमन्त्री शक्ति बस्नेत देशभरी विद्युत आपूर्तिको अवस्था बारेमा निरीक्षण गर्न नेपाल विद्युत प्राधिकरणको स्युचाटारस्थित भार प्रेषण केन्द्र पुगेका छन् ।

गर्मी बढेर उर्जाको अत्यधिक खपत भइरहेको र विद्युत आपूर्ति अनियमित भईरहेको बेला उर्जामन्त्री बस्नेत मंगलबार साँझ भार प्रेषण केन्द्र पुगेका हुन् ।

सो क्रममा मन्त्री बस्नेतलाई नेपाल विद्युत प्राधिकरणका महानिर्देशक कुलमान घिसिङ सहकार्यकारी निर्देशकसहितले देशभरको भारत प्रेषणको रियल टायम कन्ट्रोल सिस्टमका बारेमा जानकारी गराएका थिए।

भार प्रेषण केन्द्रले देशभरको विद्युत् आपूर्ति, माग र वितरणको व्यवस्थापनको काम गर्छ। साथै भार प्रेषण केन्द्रको निरिक्षणका क्रममा मन्त्री बस्नेतले अब प्रशारण लाइनहरूलाई यथाशक्य चाँडो निर्माण गर्ने गरी योजना बनाउन निर्देशन समेत दिए।