ताप्लेजुङ । ताप्लेजुङ प्रहरीले श्रीमतीको हत्या गरेर फरार भएकको आरोपमा १ जनालाई पक्राउ गरेको छ ।

प्रहरीले घोराही सिरिजङ्घा गाउँपालिका–३ सिकैचाकाकी ३१ वर्षीया श्रीमती निशा राईको हत्या गरेको आरोपमा लक्ष्मण चाम्लिङ राईलाई पक्राउ गरेको हो ।

मादक पदार्थ सेवन गरेका राईले मङ्गलबार साँझ टाउकामा चिर्पट प्रहार गर्दा ३१ वर्षीया श्रीमती निशाको घटनास्थलमै ज्यान गएको थियो ।

मापसे गरेका राईले घरमा आएर श्रीमतीसँग झगडा गरेका थिए। झगडाकै क्रममा चिर्पट प्रहार गरेको खुलेको प्रहरीले जनाएको छ।

लक्ष्मणलाई नियन्त्रणमा लिएको जिल्ला प्रहरी कार्यालय ताप्लेजुङले जनाएको छ ।