बझाङ । सुदूरपश्चिम सरकारका मन्त्री सवार जीप दुर्घटनामा परेको छ ।

सुदूरपश्चिम सरकारका आन्तरिक मामिला तथा कानुनमन्त्री पृथ्वीबहादुर सिंह सवार सुपप्र ०१००१ झ ४८० नम्बरको जीप बझाङको केदारस्युँ गाउँपालिका धारछडा भन्ने स्थानमा दर्घटनामा परेको हो।

दुर्घटनामा परी मन्त्री सिंहसहित ४ जना घाइते भएका छन् ।

खुट्टा र अनुहारमा चोट लागेका मन्त्री सिंहको केदारस्युँ गाउँपालिका १ देउरास्थित ॠतु पोलिक्लिनिकमा उपचार भइरहेको बझाङ प्रहरीले जनाएको छ ।

गाडी सडकबाट अन्दाजी ५० मिटर तल कालंगा खोला किनारमा खसेको छ । घटनाबारे थप विवरण आउन बाँकी छ ।