काठमाडौं । त्रिभुवन विश्वविद्यालय भिसी कार्यालय अगाडि विश्वविद्यालयका उपप्राध्यापक प्रेम चलाउन आमरण सुरु गरेका छन् । सोमबार पत्रकार सम्मेलनको आयोजना गर्दै चलाउन आमरण अनसनमा सुरु गरेका हुन् ।

पत्रकार सम्मेलनमा उनले देशमा न्याय मरेको उल्लेख गर्दै आफूले न्याय प्राप्तिका लागि अनसनमा बस्नुपरेको बताए ।

सरकारले आफूमाथि आक्रमण गर्नेहरुको मुद्दा फिर्ता लिने निर्णय गरेपछि धर्ना दिन अदालत पुगेका उपप्राध्यापक चलाउनेलाई आजै प्रहरीले नियन्त्रणमा लिएर रिहा गरेको थियो ।

चलाउनेमाथि आक्रमण गरेको आरोपमा नेपाल विद्यार्थी संघका हरि आचार्य, योगेन्द्र रावल लगायतविरुद्ध जिल्ला अदालत, काठमाडौंमा ज्यानमुद्दा विचाराधीन छ ।

जेठ ३० गते बसेको मन्त्रिपरिषद् बैठकले उनीमाथि कुटपिट गरी ज्यान मार्ने उद्योगमा जिल्ला अदालतमा दर्ता भएको मुद्दा फिर्ता लिने निर्णय गरेको थियो ।