काठमाडौं । आइसीसी क्रिकेट विश्वकप क्वालिफायर अन्तर्गत श्रीलंकाले युएईलाई विशाल लक्ष्य प्रस्तुत गरेको छ ।

समुह बी अन्तर्गतको खेलमा टस हारेर पहिला ब्याटिंग गरेको श्रीलंकाले ५० ओभरमा ६ विकेट गुमाउदै ३५५ रन बनाएको हो ।

श्रीलंकाका लागि कुशल मेन्डीसले सर्बाधिक ७८ रन बनाए भने साडीरा समाराविक्रमाले ७३, पथुम निसाकाले ५७, डिमुथ करुनारत्नेले ५२, चरिथ असलंकाले अविजित ४८ र वनिन्दु हसरंगाले २३ रन बनाएका थिए ।

त्यसैगरी बलिङमा युएईका अली नासरले २ विकेट तथा रोहन मुस्तफा, आयान अज्फल खान र बसिल हमिदले समान एकएक विकेट लिए ।