काठमाडौं । प्रधानमन्त्री पुष्पकमल दाहाल ‘प्रचण्ड’सहितको टोली विराटनगर प्रस्थान गरेको छ ।

संखुवासभाको बाढी पहिरो निरीक्षण गरी पाँचथरका लागि उडेको हेलिकप्टर अवतरण हुन नसकेपछि प्रधानमन्त्री प्रचण्डसहितको टोली विराटनगर प्रस्थान गरेको हो ।

नेपाली सेनाको हेलिकप्टरबाट संखुवासभाको तुम्लिङटार गएको टोली त्यहाँबाट पाँचथर प्रस्थान गरेको थियो ।

तर प्रतिकूल मौसमका कारण पाँचथरमा हेलिकप्टर ल्याण्ड गर्न नसकेपछि विराटनगरतर्फ गएको प्रधानमन्त्रीको सचिवालयले जनाएको छ ।

प्रधानमन्त्री प्रचण्ड आजै बाढीपहिरो प्रभावित ताप्लेजुङ र पाँचथरको अवलोकन गरी काठमाडौं फर्कने कार्यक्रम रहेको छ ।