काठमाडौं । आईसीसी विश्वकप छनोट अन्तर्गत घरेलु टोली जिम्बाब्वेविरुद्ध नेपाललाई दोस्रो सफलता मिलेको छ । नेपालका लागि गुल्सन झाले दोस्रो विकेट लिएका हुन् ।

उनले जिम्बावेका माधेवेरेलाई ३२ रनमा दीपेन्द्रसिंह ऐरीको हातबाट क्याच गराए । त्यतिबेला जिम्बावेको २३.२ ओभरमा १२७ रन थियो ।

यस्तै यसअघि सोमपाल कामीले पहिलो विकेट लिएका थिए । त्यसअघि आईसीसी विश्वकप छनोट अन्तर्गत घरेलु टोली जिम्बाबेसामु नेपालले २ सय ९१ रनको लक्ष्य प्रस्तुत गरेको छ।

हरारे स्पोट्र्स क्लबमा घरेलु टोलीले टस जितेर फिल्डिङ रोजेपछि ब्याटिङ गरेको नेपालले निर्धारित ५० ओभरमा ८ विकेटको क्षतिमा २ सय ९० रनको योगफल तयार पारेको थियो।