एजेन्सी । पश्चिमी युगान्डाको एक विद्यालयमा इस्लामिक स्टेट समूहसँग आबद्ध विद्रोहीहरूले आक्रमण गर्दा कम्तिमा ४० जनाको मृत्यु भएको छ ।

एलाइड डेमोक्रेटिक फोर्स (एडीएफ) का सशस्त्र विद्रोहीहरूले शुक्रबार विद्यालयमा आक्रमण गरेका हुन् । मृत्यु हुने अधिकांश विद्यालयको छात्रावासमा बसेका विद्यार्थीहरु रहेको बताइएको छ ।

मपोन्डेस्थित लुबिरिहा माविमा भएको आक्रमणमा घाइते भएका थप आठ जनाको अवस्था गम्भीर रहेको छ।

घटनाको क्रममा एडीएफ विद्रोहीहरूले छात्रावास जलाउनुका साथै खाद्यान्न स्टोर लुटेको बताइएको छ।