काठमाडौं । संस्कृति, पर्यटन तथा नागरिक उड्डयनमन्त्री सुदन किराँती र नेपालका लागि भारतका राजदूत नवीन श्रीवास्तवबीच भेटवार्ता भएको छ ।

भारतीय राजदूत श्रीवास्तवले मन्त्रालयमै पुगेर शुक्रबार पर्यटनमन्त्री किराँतीसँग भेटवार्ता गरेका हुन् ।

भेटमा हवाईरुट तथा भैरहवा विमानस्थलमा आइएलएस संचालनबारे छलफल भएको बताईएको छ ।

साथै मन्त्री किराँतीले प्रधानमन्त्री पुष्पकमल दाहाल प्रचण्डको हालै सम्पन्न भारत भ्रमण सफल बनाउन भारतीय दुतावासले खेलेको भूमिकाप्रति आभार समेत व्यक्त गरे ।