काठमाडौं । सेयर बजार मंगलबार ३४.१७ अंकले बढेकाे छ । मंगलबार नेप्से सूचक ३४.१७ अंकले बढेर २०२०.६४ विन्दुमा आएको छ ।

आज सबै समूहको सेयर बढेकोमा बीमा, होटल र व्यापार समूहको सेयर उच्च अंकले उकालो लागेको छ । मंगलबार नेप्से परिसूचकसँगै कारोबार रकम पनि अघिल्लो दिनको तुलनामा बढेको छ।

२७० वटा कम्पनीका एक करोड आठ लाख कित्ता सेयर चार अर्ब १२ करोड ६६ लाख रुपैयाँमा कारोबार भएका छन् । याे कारोबार रकम करिब ६ महिनायताकै उच्च हो ।

२७ करोड ६६ लाख रुपैयाँभन्दा बढीसहित कारोबार रकममा शिवम् सिमेन्ट्स अग्रस्थानमा आएको छ । मंगलबार ३ कम्पनीको सेयर मूल्यमा सकारात्मक सर्किट लागेको छ।