काठमाडौं । नेपालका लागि इस्लामिक गणतन्त्र पाकिस्तान र गणतन्त्र कोरियाका नवनियुक्त राजदूतहरूले राष्ट्रपतिसमक्ष ओहोदाको प्रमाणपत्र बुझाएका छन् ।

राष्ट्रपति कार्यालय शीतल निवासमा आयोजित विशेष समारोहमा नेपालका लागि पाकिस्तानका आवासीय राजदूत अब्रार हुसेन हुसेन हस्मी र  कोरियाका आवासीय राजदूत पार्क ताइयोङले राष्ट्रपति रामचन्द्र पौडेलसमक्ष ओहोदाको प्रमाण पत्र पेश गरेका हुन् ।

समारोहमा परराष्ट्रमन्त्री नारायण प्रकाश साउदलगायत नेपाल सरकारका उच्च पदस्थ अधिकारीहरू सहभागी थिए।

नवनियुक्त राजदूतहरूलाई काठमाडौंस्थित होटल रेडिसनदेखि राष्ट्रपति भवनसम्म रिसल्लासहितको बग्गीमा सवार गराइएको थियो।