काठमाडौं । आज संसदीय सुनुवाइ विशेष समितिको बैठक बस्दै छ ।

प्रधानन्यायाधीशका लागि सिफारिस हरिकृष्ण कार्कीविरुद्धका उजुरीको अध्ययनसम्बन्धी निर्णय गर्न समितिको बैठक बिहान ११ बजे बस्न लागेको हो ।

संवैधानिक परिषद्‌को गत वैशाख २५ गते, सोमबारको बैठकले सर्वोच्चका काम प्रधानन्यायाधीश कार्कीलाई प्रधानन्यायाधीशमा सिफारिस गरेको थियो ।

संसदीय सुनुवाइ समितिको जेठ १६ गतेको बैठकले कार्कीविरुद्ध उजुरी आह्वान गर्ने निर्णय गरेको थियो। कार्कीविरुद्धको उजुरीका लागि १० दिनको समय दिइएको थियो।

गत शुक्रबारसम्म उजुरी दिने समय रहेकोमा कार्कीविरुद्ध २९ वटा उजुरी परेको संघीय संसद् सचिवालयले जनाएको छ ।