काठमाडौं । कांग्रेसका केन्द्रीय समेत रहेका डा. मिनेन्द्र रिजालले कलेजमा पढाउन सुरु गरेका छन् । उनले राजधानीको एपेक्स कलेजमा अध्यापन थालेका हुन् ।

रिजालले सामाजिक सञ्जालमार्फत सो कलेजमा नियमित रूपमा आइतबार बिहान ८ देखि १० बजेसम्म पढाउने जानकारी दिए । १९ वर्षपछि नियमित रूपमा पढाउन थालेको बताए ।

‘सुखद अनुभव, १९ वर्षपछि नियमित रूपमा पढाउन थालेँ। अब हरेक आइतबार बिहान ८–१० बजे एपेक्स कलेजमा पढाउने छु,’ उनले सामाजिक सञ्जालमा उल्लेख गरेका छन् ।

उनले कोर्ष सम्बन्धी आज पढाउँदाका केही तस्बिर समेत सार्वजनिक गरेका छन् ।