काठमाडौं। रोजगारीका लागि अमेरिका पठाइदिन्छु भनी रकम ठगी गरेको आरोपमा प्रहरीले एक जनालाई पक्राउ गरेको छ ।

पक्राउ पर्नेमा उदयपुरको चौदण्डीगढी नगरपालिका-७ वेलटार घर भई हाल ललितपुरको गोदावरी नगरपालिका-१४ बस्ने सुनिता न्यौपाने श्रेष्ठ रहेककी छन् ।

श्रेष्ठलाई काठमाडौं उपत्यका अपराध अनुसन्धान कार्यालयको टोलीले पुलचोकबाट पक्राउ गरेको हो । श्रेष्ठले ओमनाथ मैनालीलाई वैदेशिक रोजगारीको लागि अमेरिका पठाई दिने भन्दै छ लाख रुपैयाँ ठगी गरेको प्रहरीको आरोप छ ।

श्रेष्ठले ठगी गरेर फरार भएपछि वैदेशिक रोजगार विभागले उपत्यका अपराध अनुसन्धान कार्यालयलाई पक्राउ गरी उपस्थित गराइदिन भन्दै पत्र लेखेको थियो ।

पत्र पाए लगत्तै उपत्यका अपराध अनुसन्धान कार्यालयबाट खटिएको प्रहरी टोलीले श्रेष्ठलाई आज पक्राउ गरेको हो ।

पक्राउ परेका बास्तोलालाई थप अनुसन्धान तथा कारवाहीको लागि वैदेशिक रोजगार विभाग बुद्धनगर काठमाडौं पठाईएको पनि प्रहरीले जनाएको छ ।