काठमाडौं । शिल्पा मास्के अभिनीत नेपाली कथानक चलचित्र ‘परस्त्री’को हिन्दी डब ट्रेलर सार्वजनिक गरिएको छ ।

आगामी असार १५ गतेबाट नेपाल र भारतमा एकसाथ प्रदर्शन हुने दुई मिनेट ४७ सेकेन्ड लामो चलचित्रको ट्रेलरमा विवाहेत्तर सम्बन्धले निम्त्याउने पारिवारिक र सामाजिक संकट दर्शाइएको छ ।

गत बिहीबार फिल्मको नेपाली भर्सनको ट्रेलर सार्वजनिक गरिएको थियो । अभिनेत्री शिल्पा मास्केले दिएको बोल्ड सिनलाई लिएर फिल्मको चर्चा भइरहेको छ ।

सुरज पाण्डे निर्देशित फिल्ममा कलाकार कोसिस क्षेत्री, शिल्पा मास्के, गौरव विष्ट, अलिसा क्षेत्री, आशान्त शर्माले अभिनय गरेका छन्।