काठमाडौं । गृहमन्त्री रामबहादुर थापाले भारतीय हस्तक्षेपले गर्दा तराई डुवानमा परेको दावी गरेका छन् ।

प्रतिनिधिसभाको राज्य व्यवस्था तथा सुशासन समितिको आजको बैठकमा उनले भारतले सीमा क्षेत्रमा सडकरुपी बाँध बनाउँदा नेपाली भूमि डुवानमा परेको बताए ।

समितिको बैठकमा गृहमन्त्री थापाले भने ‘राजनीतिक रुपमा भन्दा यो भारतले नेपालमा गरेको हस्तक्षेप नै हो, ‘उनीहरुले आफ्नो हित हेरे, तर नेपालको हितलाई ध्यान दिएनन् ।’

छलफलपछि समितिले भारतद्वारा निर्मित सडक र बाँध तत्काल हटाउन पहल गर्न सरकारलाई निर्देशन दिएको छ ।