काठमाडौं । बेलायतका पूर्वप्रधानमन्त्री तथा संसद् सदस्य बोरिस जोनसनले सांसद पदबाट राजीनामा दिएका छन् ।

२०२२ मा प्रधानमन्त्रीबाट राजीनामा दिएका उनले सांसद पदबाट राजीनामा दिएका हुन् ।

उनी अहिले संसदीय छानबिनको क्रममा छन् । उनीमाथि कोरोनासँग सम्बन्धित नियम पालना गरेको भन्दै सदनलाई ढाँटेको आरोपमा संसदीय समितिले छानबिन गरिरहेको छ ।

तत्कालै लागु हुने गरी जोन्सनले राजिनामा दिएपछि रिक्त भएको उक्त सिटमा अब उपनिर्वाचन हुनेछ । संसदीय छानबिनका बीचमा जोनसन आफ्नो राजनीतिक भविष्यका लागि लडिरहेका छन ।