काठमाडौं । राजधानीमा जारी सहिद स्मारक ‘ए’ डिभिजन लिग फुटबल अन्तर्गत सिजनको आफ्नो अन्तिम खेलमा फ्रेन्ड्स क्लबले जित निकालेको छ ।

त्रिपुरेश्वरस्थित दशरथ रंगशालामा शुक्रबार फ्रेन्ड्सले एपीएफ क्लबलाई ४-० गोल अन्तरले पराजित गरेको हो ।

फ्रेन्ड्सको जितमा टोरिक जेब्रिन, विकास थापा, राफिक अमिनु र अखरबेक उक्तामोभले एक एक गोल गरे ।

एपिएफ हराएसँगै फ्रेन्ड्सले रेलिगेशन खतरा टारेको हो। फ्रेन्ड्ससँगको हारपछि एपिएफको भने रेलिगेशन सम्भावना कायम छ।

लिगमा २६ खेलबाट ३० अंक जोडेको फ्रेन्ड्स यो जितसँगै तालिकाको ११औँ स्थानमा उक्लिएको छ । फ्रेन्ड्स रेलिगेसन क्षेत्रमा रहेको थ्री स्टार क्लबभन्दा एक अंक माथि छ ।