कपिलवस्तु । कपिलवस्तु प्रहरीले ४ लाख १७ हजार भारतीय नोटसहित एक जनालाई प्रकाउ गरेको छ ।

जिल्लाको सीमानाका कृष्णनगरस्थित यात्रुगेटबाट ४ लाख १७ हजार भारतीय नोटसहित राप्ती गाउँपालिका ३, दाङ बस्ने २२ वर्षीय राजकुमार पुनमगर पक्राउ परेका हुन् ।

मंगलबार राति ९ बजेतिर भारतको बढनीबाट नेपालतिर आउँदै गरेका पुनमगरले बोकेको झोला जाँच गर्दा उक्त रकम बरामद गरिएको हो ।

भारतीय पाँच सय दर ७९४ थान नोट र भारतीय दुई सय दरका एक सय थान स्रोत नखुलेको रकम बरामद गरिएको ईलाका प्रहरी कार्यालय कृष्णनगरले जनाएको छ ।

मगरलाई नियन्त्रणमा लिई अनुसन्धान कार्य भइरहेको प्रहरीले जनाएको छ ।