काठमाडौं । निर्वाचन आयोगले जनता समाजवादी पार्टी (जसपा) नेपाललाई दल दर्ताको प्रमाण पत्र प्रदान गरेको छ ।

राष्ट्रिय जनता पार्टी नेपाल र समाजवादी पार्टीबीच एकीकरण भई बनेको जसपालाई आयोगले आधिकारिक प्रमाणपत्र प्रदान गरेको जसपाका अध्यक्षद्वय महन्थ ठाकुर र उपेन्द्र यादवले संयुक्त रुपमा जारी गरेको प्रेस विज्ञप्ति जनाईएको छ ।

‘हामी निर्वाचन आयोगलाई धन्यवादका साथ आभार व्यक्त गर्दछौं । यस अवसरमा अग्रगामी परिर्वतनका पक्षधर, संघीयता, राष्ट्रिय पहिचान, सुशासन, लोकतन्त्र, समृद्धि, सामाजिक न्याय र समाजावदप्रति समर्पित सम्पूर्ण राजनीतिक शक्ति र व्यक्तिहरुलाई जसपामा आवद्ध हुन आव्हान गर्दछौं ।’ विज्ञप्तीमा उल्लेख गरिएको छ ।

जसपाले दल दर्ताका लागि गत वैशाख ११ गते आयोगमा निवेदन दिएको थियो ।