काठमाडौं । चार दिने भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ भारत मध्यप्रेदशको उज्जैनमा रहेको महांकालेश्वर मन्दिरमा १०८ किलो रुद्राक्ष चढाएका छन् ।

नयाँ दिल्लीबाट शुक्रबार मध्येप्रदेशको इन्दौर हुँदै उज्जैन पुगेका प्रधानमन्त्री प्रचण्डले त्यहाँको महांकालेश्वर मन्दिरमा उक्त रुद्राक्ष चढाएका हुन् ।

नेपालमै उत्पादित काठमाडौंबाट लगिएको विशेष प्रकारको १०८ केजी रूद्राक्षले उक्त मन्दिरमा पूजा गर्ने तालिका थियो।

नेपालका प्रधानमन्त्रीको ‘अति विशिष्ट प्रोटोकल’ का कारण महांकाल मन्दिर दर्शनसम्बन्धी व्यवस्थामा परिवर्तन गरी ६ घन्टासम्म सर्वसाधारणलाई मन्दिरभित्र प्रवेश तथा पूजा अर्चनामा रोक लगाइएको थियो ।