काठमाडौं । अनलाइनमार्फत ठगी गरेको आरोपमा प्रहरीले एक जनालाई पक्राउ गरेको छ ।

सप्तरीको बोदेबरसाईन नगरपालिका १४ घर भई हाल काठमाडौँमा बस्दै आएका २३ वर्षीय धर्मेन्द्र कुमार साह ठगी आरोपमा पक्राउ परेका हुन् ।

उनले सामाजिक सञ्जाल फेसबुकमा केटी साथी बनाइ साथीको अनुमति बिना मोबाइल चलाएर मोबाइल बैकिङबाट ईसेवा तथा खल्ती वालेटमा रकम ट्रान्सफर गरी ठगी गरेको प्रहरी अनुसन्धानबाट खुलेको छ ।

उनलाई पक्राउ गरी आवश्यक अनुसन्धान एवं कारबाहीको लागि जिल्ला प्रहरी परिसर टेकु पठाइएको छ ।