काठमाडौं । नेकपा (एमाले) का अध्यक्ष केपी शर्मा ओलीले पार्टी सचिवालय बैठक डाकेका छन् ।

प्रचार विभाग उपप्रमुख विष्णु रिजालका अनुसार बैठक यही १९ गते बिहान साढे ११ बजे च्यासलस्थित केन्द्रीय कार्यालयमा बस्नेछ ।

रिजालका अनुसार बैठकमा गएको केन्द्रीय कमिटी बैठकको निर्णयअनुसार नेताहरुको कार्याविभाजन र आगामी कार्यक्रमहरुको कार्ययोजना तयार गरिनेछ ।

साथै बैठकमा समसामयिक राजनीतिक विषयमा पनि छलफल हुने बताईएको छ ।