काठमाडौं । राजधानीमा जारी सहिद स्मारक ‘ए’  डिभिजन लिग फुटबलमा जावलाखेल युथ क्लबले जित निकालेको छ ।

त्रिपुरेश्वरस्थित दशरथ रंगशालामा मंगलबार जावलाखेलले त्रिभुवन आर्मी क्लबलाई २-० गोल अन्तरले पराजित गरेको हो ।

जावलाखेलको जितका लागि एनकोटो मासोबीले दुई गोल गरे ।

जितसँगै जावलाखेलले उपाधि सम्भावना कायम राखेको छ । २३ खेलबाट २३ खेलबाट ३७ अंक जोडेको जावलाखेल तालिकाको दोस्रो स्थानमा उक्लिएको छ ।

यता आर्मीको यो सातौं हार हो । आर्मी २३ खेलमा ३० अंक जोडेर पाँचौं स्थानमा रहेको छ ।