काठमाडौं । प्रधानमन्त्री पुष्पकमल दाहाल ‘प्रचण्ड’ले सांसद विकास कोष योजना नभएर बाध्यता भएको बताएका छन् ।

सिंहदरबारस्थित नेकपा माओवादी केन्द्र संसदीय दलको बैठकमा बोल्दै प्रधानमन्त्री प्रचण्डले यस्तो बताएका हुन् ।

प्रधानमन्त्री प्रचण्डले भने, ‘सांसद विकास कोष हाम्रो योजना होइन तर बाध्यता भयो, तर यसलाई कार्यविधि बनाएर व्यवस्थित गरिन्छ ।’

प्रधानमन्त्री प्रचण्डले आगामी आर्थिक वर्षको नीति तथा कार्यक्रम र बजेट सन्तुलित रहेको बताए ।

सोमबार प्रस्तुत भएको बजेटमा सांसद विकास कोषका लागि बजेट छुट्याइएपछि आलोचना भइरहँदा यसबारे प्रधानमन्त्री प्रचण्डले यस्तो बताए ।

यसैबीच प्रधानमन्त्री दाहालले भारत भ्रमणको क्रममा सकेजति राम्रो गर्ने र यसमा सकारात्मक सम्भावना रहेको बताएका छन् ।