काठमाडौं । राजधानीमा जारी सहिद स्मारक ‘ए’ डिभिजन लिग फुटबलमा मनाङ मर्स्याङ्दी क्लबले जित निकालेको छ ।

एन्फा कम्प्लेक्समा आइतबार मनाङले थ्री स्टार क्लबलाई १-० गोल अन्तरले पराजित गरेको हो ।

मनाङको जितका लागि खेलको ३८ औं मिनेटम जितमा चेतन कुमार थारुले निर्णायक गोल गरे ।

यो जितसँगै मनाङले २२ खेलबाट २८ अंक बनाएको छ भने यता थ्री स्टारले २२ खेलमा २६ अंक जोड्दै ११ औं स्थानमा रहेको छ ।

त्यस्तै आईतबार नै च्यासल मैदानमा भएको खेलमा एनआरटीले सातदोबाटो युथ क्लबलाई २-१ गोल अन्तरले पराजित गरेको छ ।

एनआरटीको निकोलस सङ र सनम लिम्बुले एक एक गोल गरे । एनआरटीका शिव सुवेदीले एक गोल फर्काए ।

एनआरटीको यो सातौं जितसहित २२ खेलमा २९ अंक जोडेर आठौं स्थानमा उक्लिएको छ ।

यता सातदोबाटो २२ खेलमा २९ अंक जोडेर छैटौं स्थानमा रहेको छ ।