एजेन्सी । बोलिभियामा संसद बैठक चलिरहेको बेला सांसदहरूले कुटाकुट गरेको भिडियो सार्वजनिक भएको छ ।

मन्त्री एडुआर्डो देल कास्तिलोले सान्ता क्रुज क्षेत्रका गभर्नर लुइस फर्नान्डो कामाचोलाई कैद गरिएको विषयमा संसद्समक्ष धारणा राख्दै गर्दा झगडा भएको हो ।

कास्तिलो बोल्दै गर्दा विपक्षी सांसदहरूले देशमा लोकतन्त्र मरेको भन्ने सन्देशसहितको प्लेकार्ड बोकेका थिए । उनीहरूले देल कास्तिलोलाई आतंकी मन्त्रीको संज्ञा दिइएको तस्वीर पनि बोकेका थिए ।

सरकारसमर्थक सांसदहरूले ती प्लेकार्ड खोस्न खोज्दा २० जना जति सांसदहरूले एकअर्कालाई मुक्का प्रहार गरेका थिए । झगडामा कुनै पक्ष घाइते भएको छैन ।