काठमाडौं । पूर्व प्रधानमन्त्री डा. बाबुराम भट्टराईले मृत निरंकुश राजतन्त्रको भूत सल्बलाउनु र कतिपय वृत्तमा आजभन्दा हिजो पो राम्रो थियो भन्ने भ्रम पैदा गर्न खोजिनु बिडम्बनापूर्ण रहेको बताएका छन् ।

सोमवार पूर्वराजा ज्ञानेन्द्र शाह सुदूरपश्चिमको धनगढीमा आयोजित नागरिक अभिनन्दन कार्यक्रममा सहभागी भएपछि सोमवार राति डा. भट्टराईले सामाजिक सञ्जालमार्फत प्रतिक्रिया जनाउँदै संघीय लोकतान्त्रिक गणतन्त्रको रक्षा गर्दै सुशासन र समृद्धिको दिशामा अघि बढ्नुपर्ने बताएका हुन् ।

उनले लेखेका छन्, ‘गणतन्त्र दिवस नजिकिँदै गर्दा देशमा विद्यमान अर्थ–राजनीतिक संकट र जनताको असन्तुष्टिको धमिलो पानीमा माछा मार्ने कोसिस गर्दै मृत निरंकुश राजतन्त्रको भूत सल्बलाउनु र कतिपय वृत्तमा आजभन्दा हिजो पो राम्रो थियो कि भन्ने भ्रम पैदा गर्न खोजिनु बिडम्बनापूर्ण छ ।’

डा. भट्टराईले देश विकास नहुनुको कारणबारे समेत प्रश्न गरेका छन् ।

गणतन्त्र दिवस नजिकिंदै गर्दा देशमा विद्यमान अर्थ-राजनीतिक संकट र जनताको असन्तुष्टीको धमिलो पानीमा माछा मार्ने कोशिश गर्दै मृत निरंकुश राजतन्त्रको भूत सल्बलाउनु र कतिपय वृत्तमा आज भन्दा हिजो पो राम्रो थियो कि भन्ने भ्रम पैदा गर्न खोजिनु बिडम्बनापूर्ण छ।
वर्तमान नेपाल राज्य बनेर… pic.twitter.com/v0KdRiEk2h

— Baburam Bhattarai (@brb1954) May 22, 2023