काठमाडौं । प्रतिनिधिसभा सदस्य अनिता नेपालीले सरकारको निर्णयसमेत विचौलियाले प्रभावित गरिदिएको भन्दै देशको सरकारले कसले चलाउँछ भन्दै प्रश्न गरेकी छिन् ।

राप्रपा सांसद नेपालीले संसद्को शून्य समयमा बोल्दै सरकारको निर्णयसमेत विचौलियाले प्रभावित गरिदिएको भन्दै उक्त प्रश्न उठाएकी हुन् ।

उनले नेपाल सरकारले मन्त्रिपरिषद् बैठकबाट ०७१ साल यता चारपटक उखु किसानलाई भुक्तानी दिने निर्णय गरेर पनि अहिलेसम्म किसानले भुक्तानी पाउन नसकेको बताइन् ।

सांसद नेपालीले प्रश्न गरिन्, ‘यो देशको सरकार विचौलियाले चलाउँछ कि कसले चलाउँछ ? यदि विचौलियाले चलाउँदैनन् भने सरकारले उखु किसानका विषयमा गरेका निर्णय किन लागु हुँदैन?’