कैलाली । धनगढी उपमहानगरपालिका–५ बस्ने २६ वर्षीया डा. प्रसन्ना शाह मृत भेटिएको घटनाको अनुसन्धानका लागि प्रहरीले दुई युवकलाई नियन्त्रणमा लिएको छ ।

धनगढीको माया मेट्रो अस्पतालमा कार्यरत डाक्टर शाहको मृत्यु प्रकरणमा धनगढीकै विकल केसी र डा. सन्दीप भट्टराईलाई जिल्ला प्रहरी कार्यालय कैलालीले नियन्त्रणमा लिएको हो ।

शुक्रबार मृतक शाहका परिवारले दुई जनाविरूद्ध किटानी जाहेरी दर्ता गराएका थिए । सोही आधारमा प्रहरीले उनीहरूविरूद्ध आत्महत्या दुरूत्साहन मुद्दा दर्ता गरेर सोधपुछका लागि नियन्त्रणमा लिएको जनाएको छ ।

डाक्टर प्रसन्ना बिहीबार बिहान आफ्नै कोठामा झुण्डिएको अवस्थामा मृत भेटिएकी थिइन् । घटनाबारे थप अनुसन्धान जारी रहेको प्रहरीले जनाएको छ ।